點解條呔一年就磨平晒？🤔

係因為香港條路真係好食呔？其實香港路面特別食呔，而係香港太常落雨... 對比外國經常行高速公路車速穩定；香港交通擠迫，成日急加速、急剎車... 大家都係行五萬公里，但輪胎嘅磨損度可以好大差異。近年電動車... 普通呔用喺電車上可能一年甚至更短... 建議電車車主考慮專為EV設計嘅輪胎，呢啲輪胎集中強化耐磨同低滾阻，延長使用壽命。


輪胎有 5 個主要部分🔍
 

1. 呔面
部車唯一會同地面接觸嘅位置。表面嘅花紋同排水槽就係用於排水保持抓地力，入彎嘅時候花紋之間嘅槽位又會變形，所以特別易磨平。
 

2. 呔肩（兩邊外側嘅呔面）
支撐車輛扭左扭右、過彎時的壓力。外呔肩過度變形會影響抓地力同操控性，所以外側嘅呔面設計係非常重要！
 

3. 呔側/呔肚
胎壁主要由簾子線和橡膠組成，係支撐你部車嘅最主要結構！雖然係支撐車重嘅核心結構，但同時係輪胎最脆弱嘅部分，平時打側/衝上路壆或者唔小心衝過路坑，導致簾子線結構損壞，就會好容易爆呔或者生仔（鼓包）。
 

4. 鋼線層（呔面下面嘅帶束層）
好似輪胎嘅骨骼，強化呔面結構同穩定性，同時都有一定嘅防刺穿能力，保護輪胎。
 

5.呔圈（裝軨嗰個硬圈）
同輪圈緊緊結合嘅位置，提供氣密性能，好多時暗漏氣多數由呢度開始。


點樣 Check 呔？🧐
 

用手摸呔肩✋
留意下呔肩有無不正常同唔均衡嘅磨損？有＝要做四輪定位，順便檢查埋懸掛系統同避震有冇鬆動！
 

用手摸呔紋／用胎紋尺📏
如果摸唔到紋、溝紋淺過 1.6mm（國際安全標準），就強烈建議換啦！Point S 建議其實呔紋深度少於3mm都建議更換，香港天雨路滑，更少呔紋就等於輪胎嘅藏水同排水性能減弱，同全新輪胎有很大嘅性能差別！
 

睇呔邊 4 個數字（DOT日期碼）🔢
例如 2024 → 代表 2024 年第 20 週生產，輪胎橡膠會隨時間同冷熱循環老化同氧化，即使冇點揸，生產超過 6 年嘅輪胎，因膠質硬化都會導致抓地力同強度都會下降，建議換新。


💡小貼士

定期檢查呔壓，而且每 1 萬公里左右做一次輪胎對調（Rotation），令四條呔磨得均勻啲，用得耐啲。

 

睇完仲係唔明？或者想知自己條呔仲用得幾耐？可以 WhatsApp Point S 專人幫你！