車呔中釘係咪一定可以補？咩情況下又一定要換？😵‍💫

輪胎中釘係好常見嘅情況，但唔係每一次都可以補。可否補呔主要取決於釘孔位置、大小、車呔整體狀況同有冇其他損壞。

 

可以考慮補返✅：

• 細釘/螺絲拮入胎面中間（可修補區域）
• 個窿唔大過6mm（大約1/4吋）
• 條呔仲新，呔紋夠深（>4mm）
• 用專業內補（Plug Patch）氣密性最好，尤其外胎肩，外補呔唔夠氣密性
   

一定要直接換新呔❌：

• 因中鐵片而造成嘅損壞
• 中釘位置接近呔肩或者呔壁
• 輪胎有鼓包（又稱：生仔）、裂口、撕裂，見到輪胎簾布層
• 呔紋磨損度已磨平排水槽的磨耗指示條（1.6mm）
• 舊呔、偏磨嚴重
• 條呔曾經喺完全失壓情況下繼續行駛，就算外觀無明顯損壞，但內部結構有可能已經出現破壞，唔建議繼續使用
• 同一位置已經補過好多次
   

💡小貼士

補胎之後都要慢速試行，聽下有冇怪聲👂；舊呔就最好成對換，避免新舊混用影響操控。

香港雨季多，濕地抓地力好重要，胎紋淺或者有損壞隨時跣呔！每個月檢查一次呔紋同外觀，有問題早發現早處理～

 

Point S 免費幫你檢查輪胎狀況，Send相嚟即刻幫你睇睇！