點解條呔一年就磨平晒？🤔

香港太常落雨、太多斜路同急彎，條呔出力特別辛苦！加上香港交通擠迫，需要成日突然加速、急煞車，輪胎自然磨損得更快。近年電動 EV 車越嚟越多，電車電池重、瞬間扭力超大，高扭力會令車呔更容易打滑同加快磨損，尤其喺香港多雨多彎嘅環境下，普通呔用喺電車上可能一年甚至更短就磨平。建議電車車主考慮專為 EV 設計嘅強化耐磨同低滾阻車呔，延長使用壽命。


輪胎有 5 個主要部分🔍
 

1. 呔面
成日同地面磨嚟磨去，香港落雨又多，佢要排水又要夠抓地，所以特別易磨平。
 

2. 呔肩（兩邊轉彎位）
揸車成日扭左扭右、過彎，呢度最易變鋸齒形。
 

3. 呔側
成日擦馬路邊、擦軨，香港泊車位細，超易有裂口同刮花。一有裂口，雨水滲入就容易爆呔。
 

4. 鋼線層（呔面下面嘅帶束層）
好似輪胎嘅骨骼，強化結構。如果路面積水或撞坑，內部鋼線受損起包(又稱生仔) 就好危險，可能隨時爆呔，見到就要即刻換呔。
 

5.呔圈（裝軨嗰個硬圈）
同輪圈緊緊結合，經常擦軨，漏氣多數由呢度開始。漏氣唔補，輪胎邊緣會過熱加速磨損。


點樣 Check 呔？🧐
 

用手摸呔肩✋
有冇摸到一粒粒鋸齒狀？有＝要做四輪定位，順便檢查埋懸掛系統同避震有冇鬆動！
 

用手摸呔紋／用胎紋尺📏
如果摸唔到紋、溝紋淺過 1.6mm（國際安全標準），就強烈建議換啦！
 

睇呔邊 4 個數字（DOT日期碼）🔢
例如 4024 → 代表 2024 年第 40 週生產，輪胎橡膠會隨時間老化，即使冇點揸，超過 6 年抓地力同強度都會下降，建議換新。


💡小貼士

定期檢查呔壓，每 1 萬公里左右做一次輪呔對調（Rotation），令四條呔磨得均勻啲，用得耐啲！

 

睇完仲係唔明？或者想知自己條呔仲用得幾耐？可以 WhatsApp Point S 專人幫你！