近期有車主嚟 Point S 檢查，話架車行村路、劏車位同爛地之後，開始有「吱吱聲」「實實聲」，軚盤唔直，高速行車有少少軚盤走位，揸起上嚟唔安心。呢啲係典型底盤同懸掛出問題嘅先兆。
其實自己架愛車要「揸得順、揸得安全」，唔單止睇用緊咩電池廠/用緊咩引擎，底盤、煞車、摩打/引擎同冷氣系統都同樣重要。喺 Point S，我哋提供以下 4 大保養及檢查服務：
1️⃣ 底盤維修｜行得多爛路一定要注意
電車重量普遍比油車重，但不管電車/油車都好，行得多村路、石屎爛地等等，底盤連桿（如李仔串、控制臂）同膠位承受嘅衝擊都比較大，同更容易：
- 膠套老化開裂、位移
- 搖臂、吊臂鬆動
- 出現「吱吱聲」「實實聲」、金屬撞擊聲
- 高速行車時，輪胎抓地力下降、轉彎側傾大、行直路軚盤會走位
如果唔及早處理，嚴重可以影響煞車穩定性同高速安全。定期檢查底盤，可以：
- 確保行車方向穩定，軚盤唔會「浮」「飄」
- 減少不規則磨胎 (省呔)，慳返一套呔嘅錢
- 避免控臂、波膠甩脫，發生危險情況
2️⃣ 煞車系統檢查及保養｜重車身負擔大
電車通常車重較高，就算有動能回收幫手煞停架車，煞車負擔都係比較大，而油車日日塞車，煞車皮、煞車碟同煞車油一樣會磨損老化：
- 煞車皮太薄 → 緊急煞車距離變長
- 煞車碟變形／有空隙 → 煞車抖動、方向偏
- 煞車油變質 → 踩落去軟綿綿，耐熱性下降
對車主嚟講，良好煞車系統好關鍵：
- 高速收油＋煞車時車身先唔會「點頭」太嚴重
- 市區塞車頻頻起步煞車，都保持線性舒服
- 真正緊急情況出現時，可以幫你爭取多幾米安全距離
3️⃣ 摩打及電機/引擎保養｜核心動力要健康
電動車唔使換機油，但並唔代表摩打可以完全唔理。對摩打及周邊電機系統，我哋會重點留意：
- 冷卻系統情況（例如水路、泵、散熱結構有冇滲漏或堵塞）
- 高壓線束、接頭有冇鬆動、氧化或受損
- 有冇異常聲響（高頻噪音、拖拉聲等）
油車:
- 引擎冷卻系統（水路、泵、散熱結構有冇滲漏或堵塞）
- 傳動皮帶、張緊器、火花塞有冇磨損老化
- 機油濾清器、空氣濾清器、節氣門積碳情況
如果呢啲問題長期唔理，可以導致：
- 加速變鈍、輸出忽快忽慢
- 耗電量/油耗增加，續航明顯下降
- 摩打長期高溫工作，縮短壽命，維修成本極高
定期檢查摩打及電機/引擎相關部件，可以令愛車保持順暢輸出，亦可以預防將來出現大維修。
4️⃣ 冷氣系統保養｜唔只為咗涼，仲關乎電池健康
香港夏天又焗又熱，冷氣系統對任何車都重要：
- 冷氣負責車廂制冷，亦可能參與電車電池／電控冷卻
- 冷氣效能差 → 系統要長時間高負荷運作，令用電量/油耗上升
- 冷媒不足、喉管滲漏、風箱污糟 → 出現異味、結冰、風細唔凍
保持冷氣系統清潔同效能正常，除了令乘客舒服，亦可以幫助電池同電控系統維持正常工作溫度，間接延長電池/引擎壽命同改善耗電表現。
如果你最近都覺得：
- 行爛路有異響
- 軚盤唔直、行直路會走位
- 高速唔夠穩、或者煞車唔夠利
- 冷氣唔夠凍、出怪味、用電特別快
Point S 專業人員可以按你實際用車情況（行唔行村路、長途定市區為主），預約做一次全車檢查，幫你設計一套適合電車/油車嘅保養檢查組合：底盤＋煞車＋摩打/引擎＋冷氣，早啲發現問題，安全啲，亦可以幫你慳返將來大維修嘅錢。
